هر اوشاق بير مدنیت یاتاغیندا دوغولور، عایله‌سیندن و اونلارین یاشام طرزیندن اؤز مدنيتينی اؤيرهنير، اؤزونه فردی و اجتماعی بير كيمليک تعريفله‌ییر، سونرا ایسه اؤزونه ایناملی بیر بیچیمده دنیا مدنیت‌لرینی تانیماغا و اونلارا قارشی دویارلی (حساس) اولماغا باشلاییر.
اؤز مدنيتينی سئوگی دولو بیر اورتامدا اؤيره‌نن بير اوشاق دنيا مدنيت‌لری ايله ده باريش ایچینده یاشایا بیله‌جکدیر. آمما اؤز مدنيتينی تانيمايان بير اوشاق، كيمليكسيز، اؤزونه اینامسیز بير انسان اولاراق باشقا مدنیت‌لرین بير سیراسینا قارشی اؤزونو ازيلميش (تحقير اولموش) حس ائده‌جک و البته بير سیراسینا قارشی دا ندنسيز اولاراق خصومت حسی یاشایاجاقدیر.
دونیا آنا دیلی گونو مناسبتی ایله اوخوجانین چاغیریشی اوزره اوشاقلار «مدنیتیمی یاشاماغا حاققیم وار» کیتابینی سسلندیردیلر.
«آلن سر»ین یازدیغی بو کیتاب اوخوجان قروپو طرفیندن آنا دیلیمیزه چئوریلیب.
بو چالیشه قاتیلان دوستلاریمیز:
عزیز بالالاریمیزین سسلندیردیگی بؤلوملری اینستاگرام صحیفه‌میزده مدنیتیم Mədəniyyətim هایلایتیندا ایزله‌یه بیلرسینیز.
ٔکامئنت یوخدور