«یارالی قوش» چئوره ایله ایلگیلی حکایه‌دیر. اوشاقلار یارالی قوشلاری نئجه ساخلاماق و اونلارا قوللوق ائتمک، قوشلارین ائولرین پنجره‌لرینه دیمه‌سی‌نین قارشی‌سینی نئجه آلماق باره‌ده بیلگی آلیرلار.
آنانسی‌نین آلتی اوغلو وار؛ بیر گون ائود‌ن چیخاندا یولونو آزیر و سورونلارلا قارشیلاشیر. اوغوللاری آتالارینا کؤمک ائتمک اوچون چالیشیرلار…
«من اویونجاقلاریمی پایلاشا بیلرم» کیتابی بؤیوک بیر قوطو اویونجاغی اولان، آمما هئچ بیرینی هئچ کیمه وئرمک ایسته‌مه‌یه‌ن کیچیک بیراوغلان حاققیندادیر.
«من هامییا کؤمک ائده بیلرم» کیتابینی آناسی، آتاسی و کیچیک قارداشی ایله یاشایان بیر اوغلان دانیشیر. او بوتون اوشاقلار کیمی «سحردن آخشاما اویناماغی خوشلاییر» آنجاق آناسینا دا کؤمک ائتمک ایسته‌ییر.
«من قارانلیقدان قورخمایا بیلرم» کیتابی قارانلیق قورخوسونو یئنن بالاجا بیر اوشاق حاققیندادیر.
کیچیک اوشاقلارا گؤزل و ساده شکیللر و قیسا متنلرله تک باشلارینا ایشلرینی ائتمه‌یی اؤیره‌دن کیتابلار سری‌سیندن‌دیر.
«من جسور اولا بیلرم» کیچیک اوشاقلارا سورونلارینی حل ائتمه‌یی اؤیره‌دن کیتابلار سری‌سیندن بیری‌دیر.
